കാക്കപ്പെണ്ണ് (Story)

വർഷങ്ങൾക്ക് മുമ്പ് ഞാൻ ഒരു ചെറിയ ഡിസൈനിംഗ് സെന്റെറിൽ ജോലി ചെയ്തിരുന്ന കാലം. ആ കാലത്ത് ചായയും, ഉണും, യാത്രാ ചെലവും കഴിഞ്ഞാൽ പിന്നെയൊന്നും   മാറ്റി വെയ്ക്കനുണ്ടായിരുന്നില്ല. അതുകൊണ്ട് വീട്ടിൽ നിന്നായിരുന്നു  ഉച്ചഭക്ഷണവും വെള്ളവുമൊക്കെ  കൊണ്ടുപോയിരുന്നത്.

വിരസമായ ആ യാത്രകൾക്കിടയിലായിരുന്നു ഒരിക്കൽ ഒരു കാക്ക പെണ്ണുമായി ഞാൻ സൗഹൃദത്തിലാകുന്നത്. ആദ്യമൊക്കെ അവള് ഒരുപാട് അകലത്തിലായിരുന്നു. പിന്നെപ്പിന്നെ, അടുത്തടുത്ത്, എന്റെ തൊട്ടരികിൽ വരെ , പിന്നെയും കുറേക്കാലം കഴിഞ്ഞപ്പോൾ എന്റെ നിറം കണ്ടാൽ മതി എന്ന അവസ്ഥയിലായി ......!!!

കൈകഴുകി ഞാനിരുന്നാൽ തൊട്ടടുത്ത്‌ അവളുമുണ്ടാകും. എന്നുവെച്ച്, കൊത്തിവലിക്കാനൊ, തട്ടിതെറിപ്പിക്കാനോ ഒന്നും അവൾ ശ്രമിക്കറില്ലട്ടോ.!! പത്രം തുറന്നാൽ അവളിടെ മുഖത്ത് ഒരു പ്രത്യേക തിളക്കമായിരിക്കും. ഒരു കാക്കപ്പാട്ട് പതിയെ മൂളും.

പിന്നെ, ഭാഗം വെയ്ക്കലാണ്. ചിലപ്പോ മീനോ, മോട്ടയോ ഒക്കെ പാത്രത്തിൽ നിറയെ കാണും."നിനക്കിനിയും വെണോടി" ന്ന്.... ചോദിച്ചാൽ ചെറുതായി ഒന്ന് കുറുകും.  ഞാനവിടെനിന്ന്  പുതിയൊരിടം തേടുന്നത് വരെ ഞങ്ങൾ ഒരുമിച്ചായിരുന്നു....!!! ഇപ്പൊ എന്നെപ്പോലെത്തന്നെ  അവളും മറന്നിട്ടുണ്ടാകും.

കൊടുക്കുന്തോറും കൂടികൂടി വരുന്ന ഒന്നുമാത്രമേ ഉള്ളു എന്ന്  ഞാൻ വിശ്വസിക്കുന്നു......!!! അതിനെയാകണം ആളുകളിങ്ങനെ സ്നേഹമെന്നും ഇഷ്ടമെന്നുമൊക്കെ മാറ്റിമാറ്റി പേരുകളിട്ട്  രേഖപ്പെടുത്തി വെയ്ക്കുന്നത് .....!!!